Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Səid Soruşur Yazılma Tarixi:26.11.2023 00:56:11

Salam aleykum mən inşallax əsgərliyə gedende ömürlük xidmətə yazılacam boynum 1.83 idmançıyam kikboks isdəyirəm məni seçib dtx xtq yada dsx aparsınlar bu mümükündü? Xaiş cavab verərdizdə

Müraciətinizlə əlaqədar bildiririk ki, həqiqi hərbi xidmətə çağırılmış vətəndaşların Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin sağlamlıq vəziyyətinə dair əlavə tələblər cədvəlinə əsasən çağırışçının antropometrik göstəriciləri (boy, çəki), hərbi xidmətə yararlılıq kateqoriyası nəzərə alınmaqla aparıldıqdan sonra, onlar Azərbaycan Ordusunun və başqa silahlı birləşmələrin daxili bölgüsü ilə hərbi hissələrə təyin olunurlar.
Elvin Soruşur Yazılma Tarixi:12.11.2023 10:31:08

Hara düşmüşəm

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müraciətinizə cavab olaraq bildiririk ki, Siz barənizdə yekun qərarın verilməsi ilə əlaqədar Səfərbərlik və Hərbi Xidmətə Çağırış üzrə Dövlət Xidmətinin Xaçmaz rayon şöbəsi tərəfindən Xidmətin Mərkəzi hərbi həkim komissiyasına təqdim olunmusunuz. Tibbi şəhadətləndirmə nəticələrinizə Mərkəzi hərbi həkim komissiyasında baxıldıqdan sonra hərbi xidmətə yararlılığınıza dair qanunamüvafiq qərar qəbul olunacaqdır. Bununla bağlı Siz Xidmətin hərbi qeydiyyatda olduğunuz Xaçmaz rayon şöbəsi tərəfindən məlumatlandırılacaqsınız.
Nofəl Soruşur Yazılma Tarixi:10.11.2023 12:16:40

Xarici ölkəyə oxumağa getmişdim müəyyən səbəblərdən geri qayıtdım,2024-cü ilin yanvarında hərbi xidmətə gedə bilərəm ?

Sizin Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə aidiyyəti üzrə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.2.1-ci maddəsi ilə Azərbaycan Respublikasının 18 yaşına çatmış kişi cinsli vətəndaşları Səfərbərlik və Hərbi Xidmətə Çağırış üzrə Dövlət Xidmətinin yerli struktur bölmələri tərəfindən müddətli həqiqi hərbi xidmətə çağırılırlar. Həmin Qanunun 12.4-cü maddəsinin tələblərinə uyğun olaraq, vətəndaşların müddətli həqiqi hərbi xidmətə çağırılması haqqında Azərbaycan Respublikasının Prezidentinin Sərəncamı qüvvəyə mindikdən sonra müddətli həqiqi hərbi xidmət keçməmiş, müddətli həqiqi hərbi xidmətə çağırışa möhlət hüququ olmayan və ya müddətli həqiqi hərbi xidmətə çağırışdan azad edilməyən çağırışçılar yaşayış yeri və ya olduğu yer üzrə hərbi qeydiyyatda olduğu, hərbi qeydiyyatda olmayan çağırışçılar isə yaşayış yeri üzrə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrinə gəlməlidirlər.           Odur ki, 2024-cü ilin yanvar ayında müddətli həqiqi hərbi xidmətə göndərilməyiniz üçün Xdimətin qeydiyyatda olduğunuz Xətai rayon idarəsinə gəlməyiniz tövsiyə olunur.  
Cavid Soruşur Yazılma Tarixi:08.11.2023 21:30:38

Salam.Mən Patris Lumumba adına Rusiya Xalqlar Dostlugu adına Univerisitetinin Huquq bölməsində təhsil aliram.Abseron rayon idarəsində hərbi qeydiyyatdayam lakin təhsil haqında arayışlarimi təqdim etməyimə baxmayaraq ölkədən çıxısıma məhdudyyət qoyuldugunu mənə bildirdilər. Sonra Qobu qəsəbəsinə gedib orada ərizə yazıb muraciətlə xahiş etdimki mənə köməklik göstersinlər.Lakin bu gunə kimi heçbir məlumat yoxdu.Təxminən 1 həftə əvvəl 9100 çagrı mərkəzinədə muraciət etmişəm. Sizdən xahiş edirəm mənə köməklik edəsiniz.

         Təhsilinizi davam etdirmək üçün müddətli həqiqi hərbi xidmətə çağırışdan möhlət verilməsi və dövlət sərhədindən sərbəst hərəkətinizə (“çıxışa qadağa”) qoyulan məhdudiyyətin aradan qaldırılması barədə müraciətinizə Səfərbərlik və Hərbi Xidmətə Çağırış üzrə Dövlət Xidmətində baxılmışdır.          Müəyyən edilmişdir ki, Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Abşeron rayon şöbəsi tərəfindən 2015-ci ilin oktyabr çağırışına cəlb edilmisiniz. Öyrənilmə zamanı Rusiya Federasiyasının Xalqlar Dostluğu Universitetində təhsil almağınıza dair təqdim etdiyiniz arayışa əsasən rayon çağırış komissiyasının 30.10.2015-ci il tarixli qərarı ilə “Hərbi vəzifə və hərbi xidmət haqqında” Azərbaycan Respublikası Qanununun 21.1.5-ci maddəsinə görə 30.06.2020-ci il tarixədək (təqdim etdiyiniz arayışa görə təhsilinizi bitirənədək) müddətli həqiqi hərbi xidmətə çağırışdan möhlət verilmişdir.         “Hərbi vəzifə və hərbi xidmət haqqında” Azərbaycan Respublikası Qanununun 12.4-cü maddəsinə əsasən vətəndaşların müddətli həqiqi hərbi xidmətə çağırılması haqqında müvafiq icra hakimiyyəti orqanının aktı qüvvəyə mindikdən sonra müddətli həqiqi hərbi xidmət keçməmiş, müddətli həqiqi hərbi xidmətə çağırışa möhlət hüququ olmayan və ya müddətli həqiqi hərbi xidmətə çağırışdan azad edilməyən çağırışçılar yaşayış yeri və ya olduğu yer üzrə hərbi qeydiyyatda olduğu, hərbi qeydiyyatda olmayan çağırışçılar isə yaşayış yeri üzrə müvafiq icra hakimiyyəti orqanına gəlməlidirlər. Lakin Siz verilmiş möhlət müddəti bitdikdən sonra müddətli həqiqi hərbi xidmətə çağırışa cəlb olunmağınız üçün qeydiyyatda olduğunuz Xidmətin Abşeron rayon şöbəsinə gəlməmisiniz. Bu səbəbdən adınız “Sərhədkeçməyə məhdudiyyət siyahısı”na daxil edilərək dövlət sərhədindən sərbəst hərəkətiniz məhdudlaşdırılmışdır.         2023-cü ilin oktyabr çağırışına hazırlıq zamanı Rusiya Federasiyasının Xalqlar Dostluğu Universitetində təhsil almağınıza (təqdim eydiyiniz sonuncu arayışda təhsilinizin 2026-cı ildə bitməsi nəzərdə tutulmuşdur) dair yenidən arayış təqdim etmisiniz.         Eyni təhsil müəssisəsində təhsil almağınıza dair 2015-ci ildə təqdim etdiyiniz arayışla 2023-cü ildə təqdim etdiyiniz arayış arasında ziddiyyət olduğu üçün hal-hazırda barənizdə müvafiq araşdırma aparılır. Aparılan araşdırmanın nəticəsindən asılı olaraq barənizdə qanunamüvafiq qərar qəbul ediləcəkdir.          Nəzərə almağınızı xahiş edirik.    
Eldar Soruşur Yazılma Tarixi:07.11.2023 13:49:24

Salam.Mən cox istəyrəmki sərhəd qoşunlarının qulluqçusu olum mən necə qəbul ola bilərəm ?

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, həqiqi hərbi xidmətə çağırılmış vətəndaşların Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş “Hərbi-həkim ekspertizası haqqında Əsasnamə”nin sağlamlıq vəziyyətinə dair əlavə tələblər cədvəlinə əsasən çağırışçının antropometrik göstəriciləri (boy, çəki), hərbi xidmətə yararlılıq kateqoriyası nəzərə alınmaqla aparıldıqdan sonra onlar Azərbaycan Ordusunun və başqa silahlı birləşmələrin daxili bölgüsünə əsasən hərbi hissələrə təyin olunurlar.  Nəzərə almağınızı xahiş edirik.  
Cəfər Soruşur Yazılma Tarixi:04.11.2023 01:12:14

Salam mənim dişlərim yararsızdı orta təhsilsəyəm 11 ci sinif 2024 iyulunda Həqiqi Hərbi ximətə yola düşəcəm mən dişlərimi düzəltdirmək üçün məkdəb Direktorumuz icazə vermir neynəyə bilərəm deyə bilərsiz zəhmət olmasa?

: Bildiririk ki, Sizin qeyd etdiyiniz məsələnin səlahiyyətlərimiz xaricində olduğunu nəzərə alaraq, aidiyyəti üzrə müraciət etməyiniz tövsiyə olunur.
Cəfər Soruşur Yazılma Tarixi:04.11.2023 00:59:14

03.21.2006-ci il tarixində anadan olmuşam məkdəbə 1 il gec getmişəm və mənim dişdərim pis gündədi Ucar rayonun Qazyan kənd 2 nömrəli tam orta məkdəbində oxuyuram mən indi Bakı şəhərində dişdərimi düzətdirmək isdəyirəm Direktorumuz icazə vermir indi imkanlaşdırmışıq düzəltdirmək isdəyirik 2024cü ilin iyul ayında Həqiqi Hərbi xitmətə Gedirəm və stamatoluq deyibki ən azı 2 ay çəkəcək xaiş edirəm mənə kömək edin

: Bildiririk ki, Sizin qeyd etdiyiniz məsələnin səlahiyyətlərimiz xaricində olduğunu nəzərə alaraq, aidiyyəti üzrə müraciət etməyiniz tövsiyə olunur.
Kənan Soruşur Yazılma Tarixi:03.11.2023 12:56:37

Salam, mən çarğışa gecikmiştim və gəldiyimdə yarasız oldu nəticəm, indi ölkədən çıxmaq istəyirəm çağırışa vaxtında gəlmədiyimə görə qadağa qoyulub ölkə xaricinə çıxmağa , onu nə zaman qaldırılacağını dəqiü vaxtını da demirlər , yararsız olduğum təsdiqlənib

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, Siz Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə baş idarəsinin Ordubad rayon bölməsinə daxil olmuş «Sağlamlıq vəziyyətinin  müayinə edilməsi aktı»na əsasən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin müvafiq maddəsinə əsasən “Dinc dövrdə hərbi xidmətə yararsız müharibə dövründə məhdud yararlı” hesab edilmisiniz. Əlavə olaraq bildiririk ki, adınızın “Sərhədkeçməyə məhdudiyyət siyahısı”dan çıxarılıb-çıxarılmaması barədə məlumat əldə etməyiniz üçün aidiyyəti üzrə hərbi qeydiyyatda olduğunuz Ordubad rayon bölməsinə müraciət etməyiniz xahiş olunur.  
Onur Soruşur Yazılma Tarixi:03.11.2023 11:40:01

Salam, mən xarici ölkədə magistr təhsili alıram. Oxuduğum universitetdən təqdim elədiyim arayışda 2024 yanvarına qədər təhsil alacağım qeyd olunub. Mənə verilən möhlətin nə qədər olduğunu öyrənmək istəyirəm çünki doktorantura oxumaq fikrim də var.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.5-ci maddəsinə görə, xarici ölkələrin ali təhsil müəssisələrində əyani təhsilalma formasında təhsil alan çağırışçılara müvafiq təhsilini bitirənədək müddətli həqiqi hərbi xidmətə çağırışdan möhlət verilir.
Ceyhun Soruşur Yazılma Tarixi:01.11.2023 21:14:03

Salam, Sizi övladımın təhsili ilə əlaqədar narahat edirəm . 14.06.2024 cü ildə 18 yaşı tamam olur. Lakin o hal hazırda Bakı Türk Anadolu liseyində təhsil alır, orda təhsil müddəti 12 illikdir və iyun 2024 də məktəbi bitirir. Və problem ondadır ki, orda təhsil alan uşaqların əksəriyyəti Dövlət İmtahan Mərkəzinin keçirdiyi qəbul imtahanında deyil, Türkiyə universitetlərinə qəbul (YÖS) imtahanında iştirak edirlər. O imtahanların yaz aylarında keçirilməsinə baxmayaraq cavablar gec iyul, avqust aylarında açıqlanır. Mən bilmək istəyirdim xaricə qəbul imtahanları ilə əlaqədar övladıma möhlət hüququ veriləcək? Əvvəlcədən təşəkkürlər

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.1-ci maddəsinə əsasən ümumi təhsil müəssisələrində tam orta təhsil alan 20 yaşınadək çağırışçılara müddətli həqiqi hərbi xidmətə çağırışdan möhlət verilir. Bunun üçün orta ümumtəhsil məktəbində təhsil alan çağırış yaşlı vətəndaşlar təhsilini 2024-cü ildə bitirməsinə dair təhsil müəssisəsinin müvafiq arayışını Xidmətin qeydiyyatda olduqları yerli baş idarə, idarə, şöbə və ya bölməsinə təqdim etməlidirlər.  
Cədvəldə sətir sayı :13811

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.