Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Tural Soruşur Yazılma Tarixi:12.03.2024 20:29:16

65ç ve 49 ç nedir?

Azərbaycan Respublikası Nazirlər Kabinetinin 29.02.2008-ci  il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin 65 "ç" maddəsinə "İri oynaqların, sümüklərin və qığırdaqların cərrahi xəstəlikləri, osteopatiya və xondropatiyalar: funksiyaların pozulması olmayan obyektiv əlamətlər olduqda" aiddir.
Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin 49 "ç" maddəsinə "Burun boşluğunun, burunətrafı ciblərin, udlağın xəstəlikləri: burun tənəffüsünün davamlı çətinləşməsi və (və ya) burunətrafı ciblərin barofunksiyasının davamlı pozulması ilə burun boşluğunun, burun-udlağın xəstəlikləri" aiddir.
Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin 65 "ç" və 49 "ç" maddələrinə əsasən çağırışçılar "Hərbi xidmətə yararlıdır. A-3" hesab edilirlər.
Şamxal Soruşur Yazılma Tarixi:12.03.2024 18:51:57

Salam Mən Əsədov Şamxal Azər oğlu Doğum tarixim 01.03.1996 Ağdam rayonunda qeydiyyatdayam Mən yoxlanışdan dekabrda keçmişəm Nəticələrimlə bağlı məlumat almaq istəyirəm Zəhmət olmasa məlumat verə bilərsiz? Əvvəlcədən təşəkkürlər

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına daxil olmuş elektron müraciətinizə baxılmışdır. Müəyyən edilmişdir ki, Siz qeydiyyatda olduğunuz Xidmətin Ağdam rayon şöbəsinin çağırış komissiyası tərəfindən 2024-cü ilin yanvar çağırışına hazırlıqla əlaqədar tibbi müayinələrdən keçirilmiş və səhhətiniz ilə bağlı 05.12.2023-cü il tarixdə Akademik Z.Əliyeva adına Milli Oftalmologiya Mərkəzinə, Akademik M.A.Topçubaşov adına Elmi Cərrahiyyə Mərkəzinə əlavə müayinələrə göndərilmisiniz. Səhiyyə müəssisələrinin təqdim etdiyi “Sağlamlıq vəziyyətinin müayinə edilməsi Akt”larına müvafiq olaraq, 01.04.2024-cü il tarixdə Xidmətin Mərkəzi hərbi həkim komissiyası tərəfindən şəhadətləndirilmiş və barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “hərbi xidmətə müvəqqəti yararsızdır” qərarı qəbul edilmişdir. Səhhətiniz ilə bağlı verilmiş möhlət hüququ bitdikdən sonra, təkrar çağırışa cəlb olunacaq və barənizdə qanunamüvafiq qərar qəbul ediləcəkdir. Bu barədə Sizə Xidmətin Ağdam rayon şöbəsi tərəfindən məlumat veriləcəkdir.  
Elgün Soruşur Yazılma Tarixi:12.03.2024 13:03:26

Salam,mende 1 dereceli skolioz,2 dereceli kifoz birde bel hiperlordozu var.Men sağlamlıq cedveline göre herbi xidmete yararlıyam ???

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin 66-cı maddəsinin "ç" bəndinin I qrafasına əsasən onurğanın I mərhələ skoliozu  və II dərəcə kifozu olan çağırışçılar "Hərbi xidmətə yararlıdır. A-3" hesab edilirlər.
Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) hərbi həkim komissiyasında tibbi baxışdan keçiriləcək, ehtiyac olduğu halda səhiyyə müəssisəsində müayinə oluunacaq və hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin I qrafasının tələblərinı əsasən qərar qəbul ediləcəkdir.
Qurban Soruşur Yazılma Tarixi:12.03.2024 10:50:47

Salam məni bu ay üçün yoxlanışa çağrıblar,komissiyadan keçmişəm. Yastı pənəcəlik aşkar olunub deyə rentgenədə göndərdilər. Ayağəmı rentgen çəkdilər, hər iki pəncə19 mm aşkar olundu. Bilmək istəyirəm ki mən yararlıyam ya yararsız?

Bildiririk ki, "Hər iki pəncənin tağının hündürlüyü 24-17 mm" olan çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin I qrafasına əsasən "Hərbi xidmətə yararlıdır. A-3" hesab edilirlər.
Şahin Soruşur Yazılma Tarixi:11.03.2024 17:06:47

Mənim oğlum Əhmədov Fərid 2012ci ildə sağ qulağının polipi ilə əməliyyat olub indidə ol malıdır buna baxmayaraq hərbi komissarliq tərəfindən tibbi rəy düzgün verilməyəcək hərbi çağırışa cəlb olunur xahiş edirəm bu barədə ölçü götürülsün 12il keçməsinə baxmayaraq hər müalicə reseb şəklində yenədə qulağından qan gəlir yenədə polipi var

Müəyyən edilmişdir ki, 2024-cü ilin aprel çağırışına hazırlıqla əlaqədar, övladınız 2006-cı il təvəllüdlü Əhmədov Fərid Şahin oğlu Xidmətin Ucar rayon çağırış komissiyasında tibbi baxışdan keçirilmiş qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və səhhəti ilə əlaqədar 23.02.2024-cü il tarixdə Akademik M.Ə.Mirqasımov adına Respublika Klinik Xəstəxanasına əlavə tibbi müayinəyə göndərilmişdir. Səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Ucar rayon şöbəsinə daxil olduqdan sonra F.Əhmədovun müddətli həqiqi hərbi xidmətə yararlı olub-olmamağı barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir
Vüsal Soruşur Yazılma Tarixi:11.03.2024 17:00:34

Salam hə vaxtınız xeyr olsun mən hərbi hissənin qarşısına qoyulmuş döyüş əməliyyatlarında iştirak etmişəm 2022 ci ildə hərbi biletimdə qeyd olunub xüsusi təyinatlı qüvvələrdə xidmət keçmişəm zəmət olmasa mən veteranlıq üçün baş vura bilərəm komissiyaya məlumat verərdiniz

Bildiririk ki, "Veteranlar haqqında" Azərbaycan Respublikası Qanununun və Azərbaycan Respublikasıl Nazirlər Kabinetinin 22 sentyabr 1995-ci il tarixli 216 nömrəli qərarı ilə təsdiq olunmuş "Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında" Əsasnamənin tələblərinə əsasən, müharibə veteranı adı və müvafiq veteran vəsiqəsi (o cümlədən, onun dublikatı) şəxsin hal-hazırda xidmət keçdiyi (qulluq etdiyi), əvvəllər ehtiyata və istefaya buraxılmış şəxslərə isə sonuncu xidmət keçdiyi (qulluq etdiyi) yerdən asılı olaraq, aidiyyəti üzrə müvafiq dövlət orqanları nəzdində yaradılmış komissiyaların rəyi ilə verilir.
Odur ki, müraciətdə qeyd etdiyiniz məsələ Səfərbərlik və Hərbi Xidmətə Çağırış üzrə Dövlət Xidmətinin səlahiyyətinə aid olmadığından, məsələyə baxılması üçün mövcud sənədlərlə aidiyyəti üzrə xidmət keçdiyiniz dövlət orqanına müraciət etməyiniz tövsiyə olunur.
Nazim Soruşur Yazılma Tarixi:11.03.2024 15:33:57

Salam.Men xesteliyimle bagli ev seraitinde mualice aliram.Bu ayin cagiriscisiyam lakin xesteliyime gore gele bilmirem.Melumat vermisem.Men bir defe de emeliyat olmusam.Bilmek isteyirem ki bagirsaq cati hemoroy ve sfinkter pozutuntusundan eziyyet ceken yararli sayilir yoxsa yararsiz?

Çağırışçıların babasil xəstəliyi üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 46-cı maddəsinin I qrafasının tələblərinə əsasən funksiyaların pozulma dərəcəsindən asılı olaraq aparılır. Çağırışçıların bağırsaqların xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 59-cu maddəsinin I qrafasının tələblərinə əsasən funksiyaların pozulma dərəcəsindən asılı olaraq aparılır. Əlavə olaraq bildiririk ki, Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) hərbi həkim komissiyasında tibbi baxışdan keçiriləcək, ehtiyac olduğu halda səhiyyə müəssisəsində müayinə olunacaq və müddətli həqiqi hərbi xidmətə yararlı olub-olmamağınız barədə rayon çağırış komissiyası tərəfindən qərar qəbul ediləcəkdir.  
Elşən Soruşur Yazılma Tarixi:11.03.2024 13:43:58

Salam, Mən, 05.03.2024 tarixində Qobu da,xidmətin mərkəzi komissiyyasından keçmişəm. Nəticələrin nə zaman bildiriləcəyini öyrənmək istərdim. Hörmətlə,

Müəyyən edilmişdir ki, Siz Xidmətin Mərkəzi hərbi həkim komissiyası tərəfindən tibbi baxışdan keçirilmiş və nəzarət qaydasında 30.03.2024-cü il tarixdə Nizami Tibb Mərkəzinə əlavə müayinəyə göndərilmisiniz. Səhiyyə müəssisəsinin tərtib etdiyi “Sağlamlıq vəziyyətinin müayinə edilməsi Aktı”na müvafiq olaraq, Xidmətin Mərkəzi hərbi həkim komissiyası tərəfindən şəhadətləndiriləcək və barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Elnur Soruşur Yazılma Tarixi:11.03.2024 11:55:13

Təkrar tibbi komisyadan keçmək prosesi köhnə qaydada səfərbərlik və çağırış xidmətinin idarələri edir? yoxsa Prezidentin 2024-cü il iyulun 1-dən qüvvəyə minən fərmanına əsasən Azərbaycan Respublikasının Əmək və Əhalinin Sosial Müdafiəsi Nazirliyi tərəfindən həyata keçiriləcək?

Təkrar tibbi müayinədən keçirilmə ilə bağlı Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşı tamam olana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Əlavə olaraq bildiririk ki, səhhəti ilə əlaqədar müddətli həqiqi hərbi xidmətə çağırışa möhlət müddəti bitdikdə, şəxsin təkrar tibbi müayinə olunması üçün hərbi qeydiyyatda olduğu Xidmətin strukturuna daxil olan quruma müraciət etməsi vacibdir.      
Vüsal Soruşur Yazılma Tarixi:10.03.2024 03:40:23

Salam hər vaxtınız xeyr mən 2022 ci ildə xüsusi təyinatlı qüvvələrdə xidmətimi başa vurmuşam həmin ildə döyüş əməliyyatlarında iştirak etmişəm hərbi hissə ilə birlikdə kəlbəcər rayonunda ancaq hərbi biletimizə qeyd olunmamışdı. Yenidən bu yaxınlarda qeydiyyatda olduğum rayon üzrə hərbi komissarlıqdan zəng gəldi çağırıldım və hərbi biletimə kəlbəcərdə hərbi hissə ilə birlikdə olduğum qeyd olundu peçat vuruldu sadəcə olaraq bu nə üçün indi vurulub və veteranlıq ala bilərik zəhmət olmasa bu haqqda məlumat verərdiniz

Hərbi biletinizdə Kəlbəcər rayonu ərazisində döyüş əməliyyatlarında iştirakınız barədə qeydlərin nə üçün indi aparılması və veteranlıqla bağlı Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır.
Məlum olmuşdur ki, Azərbaycan Respublikası Müdafiə Nazirliyinin 073 nömrəli hərbi hissəsindən daxil olmuş 15.12.2023-cü il tarixli 1822 nömrəli məktuba əsasən Xidmətin Sabunçu rayon idarəsi tərəfindən hərbi biletinizdə həmin hərbi hissənin tərkibində 12-14  sentyabr 2022-ci il tarixlərdə Kəlbəcər rayonu ərazisində döyüş əməliyyatlarında iştirakınız barədə müvafiq qeydlər aparılmışdır.
Əlavə olaraq bildiririk ki, sözügedən döyüşlərdə iştirakınızla bağlı "Müharibə veteranı" vəsiqəsi ilə əlaqədar Azərbaycan Respublikasının Müdafiə Nazirliyinə müraciət etməyiniz tövsiyə olunur.
Cədvəldə sətir sayı :13811